چپڑقناتیہ

اس مرکب کے معنی ہیں کمینہ، سفلا، خوشامدی، لیکن اس کا ماخذ کیا ہے؟

دو تین لغات پھرولنے سے کچھ ہاتھ نہیں آ سکا۔

جامع الغات کے مطابق چپڑ کا مطلب کمینہ، سفلا وغیرہ ہے، اگر ایسا ہے تو پھر اس ترکیب میں قنات کیا کر رہا ہے؟

لغات میں قنات کے معنی میں شامیانہ، رگ اور نالی آتے ہیں، لیکن اس کا چپڑ کے ساتھ کیا تعلق بنتا ہے اور دونوں مل کر خوشامدی کا مطلب کیسے دے رہے ہیں؟

صلائے عام ہے یارانِ نکتہ داں کے لیے

تبصرے

  • ہوسکتا ہے قنات کا لفظ کسی واقعہ کے بعد ساتھ جڑا ہو۔۔۔۔۔۔۔۔۔۔ جیسے لیموں نچوڑ۔۔۔۔۔۔۔۔۔

  • یہ بھی ہو سکتا ہے کہ چپڑ کا لفظ اصل میں۔۔۔۔چُپڑ۔۔۔۔۔۔۔(چ پر پیش)۔۔۔۔۔۔۔ سے ماخذ ہو جس کا مطلب کسی چیز پر گھی ،تیل وغیرہ لگانا ہے۔۔۔۔خوشامد کرنا۔۔۔۔۔۔۔۔ چپڑ قناتیہ میں خوشامد کا عنصر بھی ہوتا ہے،اس وجہ سے یہ لفظ بنا۔۔۔۔۔اس کے ساتھ قنات کیسے لگا،یہ تحقیق طلب ہے

  • احمد سجاد صاحب، فورم میں واپسی پر آپ کا خیرمقدم ہے۔

    چُپڑ کی طرف میرا ذہن بھی گیا تھا (جیسے مکھن لگانا) لیکن چپڑ چونکہ الگ سے موجود ہے، اس لیے اس پر زیادہ غور نہیں کیا۔ قنات کا ایک مطلب نالی بھی ہے، اس لیے ہو سکتا ہے شامیانے کی بجائے اس کا یہ پہلو یہاں استعمال ہو رہا ہو۔

  • یہ چھپر قنات(ادنی...فٹ پاتھئے) کا بگاڑ تو نہیں؟
    مثلاً جب فراز نے نثر لکھنا شروع کی تو اسلام
    کےچھپر قناتیے دوڑ گئے... آباد
  • مدھر صاحب، آپ کا نظریہ دلچسپ ہے اور دل کو بھی لگتا ہے۔ عین ممکن ہے ایسا ہی ہو۔

  • یہ کہہ سکتے ہیں کہ فلاں شخص کی رگ رگ میں سفلہ پن دوڑ رہا ہے؟

  • قاضی صاحب، فورم پر واپسی پر آپ کا خیرمقدم۔ ہماری اصل عید تو اب ہوئی!۔

  • شاید یہاں قنات "گھیرنے" کے معانی میں استعمال ہو
    خوشامد یا کمینگی سے کسی کے پاس انکار /فرار کی راہ نا چھوڑنے دینے والا ۔ ا ہو ۔

  • قنات تو گھیرتی ہے لیکن صرف قنات کو گھیرنے کے معنی میں استعمال نہیں کیا جا سکتا۔ البتہ قنات کا ایک مطلب کاریز یعنی زیر زمین نالی بھی ہے۔

    قاضی صاحب نے صلاح دی ہے کہ شاید وہ شخص جس کی رگ رگ میں سفلہ پن دوڑ رہا ہو۔

    اس کے امکانات موجود ہیں۔

    اس کے علاوہ یہ بھی ہو سکتا ہے کہ گویا سفلے پن کی بدرو بہہ رہی ہے۔

    واللہ اعلم

سائن ان یا رجسٹر تبصرہ کرنے کے لئے۔