چِت بھی میری، پٹ بھی میری

چند روز قبل ایک دوست نے پوچھا کہ اس محاورے کا اصل مطلب کیا ہے اور یہ کہاں سے آیا ہے؟

مجھے چِت کا تو پتہ تھا کہ سیدھا لیٹنے (منھ آسمان کی طرف) کو کہتے ہیں، لیکن پٹ کا مطلب معلوم نہیں تھا۔ بہرحال لغات کھنگالنے سے پتہ چلا
کہ پٹ دراصل چت کا الٹ ہے، یعنی الٹا لیٹنا، یعنی منھ زمین کی طرف۔

مزید یہ کہ یہ محاورہ اس وقت وجود میں آیا جب سکہ اچھال کر ٹاس کیا جانے لگا تو کسی صاحب (یا زیادہ قرینِ قیاس۔۔۔ صاحبہ) نے کہا کہ ہیڈ آیا تو بھی میں جیتا اور ٹیل آیا تو بھی۔ گویا

جیتوں تو تجھے پاؤں، ہاروں تو پیا تیری

چت کے ساتھ اور محاورے بھی وابستہ ہیں، جیسے چاروں شانے چت کرنا۔ لیکن پٹ کے اردو محاورے کم از کم میری نظر سے نہیں گزرے۔ پٹ کا ایک اور مطلب کواڑ بھی ہے، لیکن وہ الگ لفظ ہے۔

سائن ان یا رجسٹر تبصرہ کرنے کے لئے۔