ایان۔۔۔۔۔نام پر ایک رائے

<افکار کم یاب>
لفظ کہانی
ایان/آیان/عیان=اکثر لوگ ویب سائٹ یا ناموں کی کتاب سے بچوں کے نام رکھتے ہیں جن میں ناموں کا مطلب اکثر غلط ہوتا ہے۔
ایان(شد کے ساتھ)عربی زبان اور قران مجید(سورہ قیامی،پارہ 29) میں "کب/جب"کے معنوں میں آیا ہے۔لوگ اسے"اللہ کا تحفہ"کے معنی میں رکھتے ہیں۔
اگر اسے عیان سمجھیں(زبر کے ساتھ) تو اس کا مطلب"سامنے کی چیز یا کشادہ آنکھوں والا"ہے۔
اگر عیان زیر کے ساتھ ہو تو"مشاہدہ"مطلب ہے۔جبکہ آیان کوئ لفظ نہیں۔
<احمد سجاد بابر
وائس چیئر مین
افکار پاک>

تبصرے

  • غالبا سریانی مادے میں "ایان" (سب پر زبر) کا معنی "تحفہ" ہوتا ہے. عبرانی میں اسی کو "یوحنا" کہہ لیا گیا اور یورپی نام ایان / آئن (جیسے کرکٹر ایان بوتھم)، جان جوہان وغیرہ اسی سے مشتق ہیں.

  • البتہ "شرجیل" واقعی کوئی نام نہیں. ایک قدیم عربی نام "شرح بیل" تھا (جو اب بھی عرب مسیحیوں میں خال خال مستعمل ہے) اسی کو ہمارے لوگوں نے نقاط کو غلط جگہ پڑھنے کی وجہ سے شرجیل سمجھ کر رواج دے دیا.

  • صاحبان

    این، جان سلسلے کا ایک اور نام شان بھی ہے، جیسے مشہور اداکار شان کونری (اسے لکھتے تو سین ہیں لین پڑھا شان جاتا ہے)۔ یہ جان ہی کی آئرستانی شکل ہے۔ اسی طرح ایئن کی ایک اور صورت اوئن بھی ہے۔ مثلاً موجودہ
    انگلستانی کرکٹ ٹیم (محدود اوورز کے میچوں میں) کے کپتان اوئن مورگن۔

  • دراصل ایک عربی زبان کا کلمہ ھے اعیان
  • جس کا معنی ھے بڑے لوگ اور ابن خلکان کی اسما ءالرجال پر ایک کتاب ھے جس کا نام ھے وفیات الاعیان پس یہی نام معروف ھے یعنی اعیان دوسری بات جو لف
  • دوسری بات ٹی وی چینلز پر ایک نام ماڈل گرل ایان علی دیکھنے کو ملتا ھے ۔ ایان کا
  • معنی ھے کب جیسے وہ کب آے گا پس اغلب خیال یہی ھے کہ اصل نام اعیان ہی ھو گاجیسے لوگ ریحام خان نام لکھتے ھیں البتہ یہ سو فی صد غلط ھے اصل لفظ ھے رھام
  • کیونکہ عربی زبان میں ریحام لفظ نہیں ھے ۔
  • ریحام واقعی کوئی لفظ نہیں مگر عمران خان صاحب کی سابقہ زوجہ کا اصل نام "رحم بی بی" تھا جو ان کے قیام انگلستان کے دوران انگریزوں کے تلفظ میں ریحام بن گیا، اور انہوں نے بھی شاید اس کی نُدرت کے سبب، اسے ہی اپنے لیے پسند فرمایا۔

سائن ان یا رجسٹر تبصرہ کرنے کے لئے۔