The way you access our dictionary content is changing.

As part of the evolution of the Oxford Global Languages (OGL) programme, we are now focussing on making our data available for digital applications, which enables a greater reach in delivering and embedding our language data in the daily lives of people and providing more immediate access and better representation for them and their language.

Because of this, we have made the decision to close our dictionary websites.
Our Oxford Urdu living dictionary site closed on 31st March 2020, and this forum closed with it.

We would like to warmly thank everyone for your participation and support throughout these years – we hope that this forum, and the dictionary site, have been useful
You were instrumental in making the Oxford Global Languages initiative a success!

Find out more about what the future holds for OGL:
https://languages.oup.com/oxford-global-languages/

بیت بازی

1457910

تبصرے

  • ایماں مجھے روکے ہے جو کھینچے ہے مجھے کفر
    کعبہ میرے پیچھے ہے کلیسا میرے آگے
    (مرزا اسد اللہ خان غالب)

  • یہ کس نے دستِ بُریدہ کی فصل بوئی تھی
    تمام شہر میں نخلِ دُعا نکل آئے

    عرفان صدیقی

  • یہ جبرِسیاست یہ انساں مظلوم آہیں مجبور فغاں
    زخموں کی مہک داغوں کا دھواں،مت پوچھ فضائے زنداں میں
    (مجروح سلطان پوری)

  • ناوک نے ترے صید نہ چھوڑا زمانے میں
    تڑپھے ہے مرغِ قبلہ نما آشیانے میں

  • نشہ تلخی ایام اترتا ہی نہیں
    تری نظروں نے گلابی تو بہت چھلکائی
    (ناصر کاظمی)

  • یقین ہو تو رگ سنگ بھی ہے موج شراب
    یقین نہ ہو تو سمندر بھی قطرہ شبنم

  • مئے سے غرض نشاط ہے کس روسیاہ کو
    ایک گونہ بے خودی مجھے دن رات چاہیئے
    (غالب)

  • یہی دل تھا کہ ترستا تھا مراسم کے لیے
    اب یہی ترکِ تعلق کے بہانے مانگے

    فراز

  • یہ کیا ستم ہے کیوں رات بھر سسکتا ہوں
    وہ کون ہے جو دیوں میں جلا رہا ہے مجھے
    (ساقی فاروقی)

  • June 2017 کو ترمیم کیا

    یہ موج موج کا اک ربط درمیاں ہی سہی
    تو کیا ہوا میں ا گر دوسرا کنارہ ہوا

    فراز

  • اے شمع تجھ پہ رات یہ بھاری ہے جس طرح
    میں نے تمام عمر گزاری ہے اس طرح
    (ناطق لکھنوی)

  • حادثہ ہے کہ خزاں سے پہلے
    بوئے گل گل سے جدا ہوتی ہے

    ناصر کاظمی

  • یوں تو وہ میری رگ جاں سے بھی تھے نذدیک تر
    آنسوؤں کی دھند میں لیکن نہ پہچھانے گئے
    (خاطر غزنوی)

  • یا رب کسی صدی کے افق پر ٹھہر نہ جائے
    اک ایسی صبح جس کا دھندلکا لباس ہو

    غلام محمد قاصر

  • روک سکتا ہمیں زندانِ بلا کیا مجروح
    ہم تو آواز ہیں دیوار سے چھن جاتے ہیں
    مجروح سلطاب پوری

  • آواز دیوار سے کیسے چھن جاتی ہے؟ لگتا ہے بڑی چھلنی چھلنی دیوار ہو گی

    :smile:

  • ظفر بھائی یہ تو مجروح سلطان پوری سے پوچھئیے، ویسے ہر دیوار ساؤنڈ پروف نہیں ہوا کرتی۔۔۔

  • نہ چھیڑ اے نکہتِ بادِ بہاری راہ لگ اپنی
    تجھے اٹکھیلیاں سوجھی ہیں ہم بیزار بیٹھے ہیں

  • ہم تو سمجھے تھے کہ برسات میں برسے گی شراب
    آئی برسات تو برسات نے دل توڑ دیا

  • آنے والی برکھا دیکھیں کیا دکھلائے آنکھوں کو
    یہ برکھا برساتے دن تو بن پریتم بیکار گئے
    (حبیب جالب)

  • یہ حال ہے تو بدن کو بچایئے کب تک
    صدا میں دھوب بہت ہے لہو میں لو ہے بہت

  • تپتا صحرا ہے ہر ایک شہر اور امید سکوں
    ایک بدلی ہے جو اوپر سے گزرتی جائے

  • یہ جو روشنی ہے کلام میں کہ برس رہی ہے تمام میں
    مجھے صبر نے یہ ثمر دیا مجھے ضبط نے یہ ہنر دیا

  • اک رات وہ گیا تھا جہاں بات روک کے
    اب تک کھڑا ہوا ہوں وہیں رات روک کے

  • یہ غربتیں میری آنکھوں میں کیسی اتری ہیں
    کہ خواب بھی میرے رخصت ہیں، رتجگا بھی گیا

  • اب تو گھبرا کے یہ کہتے ہیں کہ مر جائیں گے
    مر کے بھی چین نہ پایا تو کدھر جائیں گے
    (زوق)

  • یہ بات بڑھی کہ مر گئے ہم
    موت آئی تھی قصہ مختصر رات
    مومن

  • تارے آنکھیں جھپک رہے تھے
    تھا بام پر کون جلوہ گر رات
    مومن

  • تمہاری چال کی آہستگی کے لہجے میں
    سخن سے دل کو مسلنے کا کام لینا ہے
    بشیر بدر

  • یہ تکلف یہ مدارات سمجھ میں آئے
    ہو جدائی تو ملاقات سمجھ میں آئے
    عبرت مچھلی شہری

سائن ان یا رجسٹر تبصرہ کرنے کے لئے۔