بیت بازی

Zafar

ارکان کی دلچسپی کے لیے ہم نے بیت بازی کا مقابلہ شروع کرنے کا فیصلہ کیا ہے۔ اس میں باقی قوانین تو وہی ہوں گے البتہ یہ شرط ہو گی کہ شعر بہت اچھا ہو۔ اگر شعر میں کوئی ایسا لفظ ہو جسے بعد میں لغت کا حصہ بنایا جا سکتے تو بہت اچھا البتہ یہ کوئی شرط نہیں ہے۔

سب سے پہلا شعر میں پیش کیے دیتا ہوں

سناہٹے میں جان کے ہوش و حواس و دم نہ تھا
اسباب سارا لے گیا آیا تھا اک سیلاب سا

لفظ سناہٹا لغت میں نہیں ہے، اس لیے میں اسے شامل کر رہا ہوں۔

ArshadShaheen

ان حسرتوں سےکہہ دوکہیں اورجابسیں
اتنی جگہ کہاں ہےدلِ داغ دار میں

Zafar

ارشد صاحب آپ نے غالباً داغ دار ہونا شامل کیا ہے۔

Zafar

موزن مرحبا برقت بولا
تری آواز مکے اور مدینے

ArshadShaheen

جی. اور حسرت بھی

ArshadShaheen

حمام وکبوتر کا بھوکانہیں میں
کہ ہے زندگی باز کی زاہدانہ

Zafar

حسرت تو لغت میں موجود تھا

https://ur.oxforddictionaries.com/ترجمہ_کریں/اردو-انگریزی/حسرت

Zafar

ہاتھ کنگن کو آرسی کیا ہے
لکھے پڑھے کو فارسی کیا ہے

ArshadShaheen

حسرت اس معنی میں نہیں تھا جس میں میں نے ڈالا

ArshadShaheen

ریت سے بت نہ بنا, اے مرے اچھے فنکار
ایک لمحے کو ٹھہر, میں تجھے پتھر لا دوں

ShahidKhan

نہ ہوا پر نہ ہوا میر سا انداز نصیب
ذوق یاروں نے بہت زور غزل میں مارا

ShahidKhan

نہ چھیڑ اے نکہت باد بہاری راہ لگ اپنی
تجھے شوخیاں سوجھی ہیں ہم بیزار بیٹھے ہیں

ShahidKhan

نہ پوچھو عہد الفت کی بس اک خواب پریشاں تھا
نہ دل کو راہ پر لائے نہ دل کا مدعا سمجھے

Zafar

شاہد صاحب، تھوڑی سی اصلاح

نہ ہوا پر نہ ہوا میر٭ کا٭ انداز نصیب

اور

تجھے ٭اٹکھیلیاں٭ سوجھی ہیں

Zafar

یا رب زمانہ مجھ کو مٹاتا ہے کس لیے
لوحِ جہاں پر حرفِ مکرر نہیں ہوں میں

ArshadShaheen

پھر پلٹ کر نگہ نہیں آئی
تجھ پہ قربان ہو گئی ہو گی

Zafar

یار یہ راز دوانوں کو بتانے کا نہیں
دشت وحشت کا اثانہ ہے دوانے کا نہیں

ArshadShaheen

نہیں تیرا نشیمن قصر سلطانی کے گنبد پر
تو شاہیں ہے بسیرا کر پہاڑوں کی چٹانوں پر

ArshadShaheen

چٹانوں میں

Zafar

ناصحا، تجھ کو خبر کیا کہ محبت کیا ہے
روز آ جاتا ہے سمجھاتا ہے یوں ہے یوں ہے

ArshadShaheen

یہ کہاں کی دوستی ہے کہ بنے ہیں دوست ناصح
کوئی چارہ ساز ہوتا، کوئی غم گسار ہوتا

Zafar

اب جو بار میں تنہا پیتا ہوں کافی کے نام پہ زہر
اس کی تلخ سی شیرینی میں اس کے لب کا حصہ ہے

ArshadShaheen

یہ نہ تھی ہماری قسمت کہ وصال یار ہوتا
اگر اور جیتے رہتے، یہی انتظار ہوتا

ShahidKhan

نہ ہوا پر نہ ہوا میر کا انداز نصیب
ذوق یاروں نے بہت زور غزل میں مارا

ShahidKhan

میں تو تیری یاد کا بادل اوڑھ کر سو ہی جاؤں گا
توکس در پر دستک دیگا رات پڑی جو رستے میں

HumairaAshraf

نیند تو بچپن میں آتی تھی
اب تو تھک کر سوجاتے ہیں

HumairaAshraf

نہ وہ عشق میں رہیں گرمیاں، نہ وہ حسن میں رہیں شوخیاں
نہ وہ غزنوی میں تڑپ رہی، نہ وہ خم ہے زلف ایاز میں

HumairaAshraf

نظر میں بے رخی لب پر تبسم
نہ جانے دل میں کیا ٹھانے ہوئے ہیں

HumairaAshraf

نہ وہ آئیں کہ راحت ہو، نہ موت آئے کہ فرصت ہو
پڑا ہے دل کشاکش میں نہ غم نکلے نہ دم نکلے

HumairaAshraf

یہ معجزہ بھی محبت کبھی دکھائے مجھے
کہ سنگ تجھ پہ گرے اور زخم آئے مجھے

Zafar

یہ دل تو اس کے نام کا پڑاؤ ہے
جہاں وہ ایک بار بھی نہیں رہا