کہانی نویسی کا مقابلہ 2018

May 25 کو ترمیم کیا میں عمومی

کیا آپ کو اردو زبان سے محبت ہے؟ اوکسفرڈ کے کہانی نویسی کے مقابلے میں حصہ لیجیے۔

کیا آپ مضمون یا کہانی لکھنے میں دلچسپی رکھتے ہیں لیکن ابھی تک آپ کو اپنے جوہر دکھانے کا موقع نہیں ملا؟ یا پھر آپ ایک عرصے سے لکھتے چلے آ رہے ہیں لیکن اپنی تحریر کسی کو دکھا نہیں پائے؟
اب آپ کے پاس موقع ہے کہ آپ اردو میں مضمون یا کہانی لکھیے، اسے اوکسفرڈ کے پلیٹ فارم پر آن لائن شائع کروائیے اور ایک عمدہ انعام بھی حاصل کیجیے!

اوکسفرڈ اردو ڈکشنریز کہانی نویسی کے ایک مقابلے کا اعلان کر رہی ہے۔ ہمیں ایک کہانی یا مضمون بھیجیے (الفاظ کی زیادہ سے زیادہ تعداد: 500)، جس کا عنوان ہو: ’ایک واقعہ جس نے مجھے اردو سے محبت پر مجبور کر دیا۔‘ مقابلے میں حصہ لینے کی آخری تاریخ 30 جون 2018 کی رات تک ہے۔ آپ اپنی تحریر نیچے دیے گئے پتے پر بھیج سکتے ہیں۔

مقابلے کے فاتح کا فیصلہ اوکسفرڈ کے ماہرین کا پینل کرے گا اور اس کا اعلان 31 جولائی تک کیا جائے گا۔ مقابلے کی فاتح کہانی ہماری ویب سائٹ پر شائع کی جائے گی اور جیتنے والے خوش نصیب کو ایک انعام اور اوکسفرڈ کی طرف سے سرٹیفیکیٹ دیا جائے گا۔
تو پھر کس بات کا انتظار ہے؟ قلم اٹھائیے اور لکھنا شروع کر دیجیے۔

کہانی بھیجنے کے لیے ہمارا ای میل ہے:
UrduCommunity@oup.com

اس کے علاوہ آپ بذریعہ ڈاک بھی اپنی تحاریر بھیج سکتے ہیں۔ ہمارا پتہ ہے

c/o Zafar Syed
8th Floor, EOBI House
G10/4, Islamabad, Pakistan

اس کے ساتھ یہ تفصیل بھی درکار ہو گی:

نام
پتہ
عمر
کہانی کا عنوان
الفاظ کی تعداد

اگر آپ کو اس سلسلے میں مدد درکار ہے تو ہماری ویب سائٹ پر موجود تحریر اچھی اردو لکھنے کے دس گر سے رجوع کر سکتے ہیں:

مقابلے میں حصہ لینے کی ہدایات

شمولیت کی حتمی تاریخ: 30 جون، رات 23:59 بجے جی ایم ٹی تک
الفاظ کی حد: 500 الفاظ۔ اگر آپ کی تحریر 500 الفاظ سے لمبی ہے تو صرف پہلے 500 الفاظ ہی مقابلے کا حصہ بنائے جائیں گے۔ یہ تحریر آپ کی اپنی ہونی چاہیے۔ ایک فرد صرف ایک تحریر بھیج سکتا ہے۔
شرکا کی عمر: 14 سے 16 سال

موضوع: وہ واقعہ جس نے مجھے اردو سے محبت پر مجبور کر دیا
یہ واقعہ اصل بھی ہو سکتا ہے اور افسانوی بھی۔

اپنی تحریر اوپر دیے گئے ای میل پر بھیجیے
جج: مقابلے کے فاتح کا تعین اوکسفرڈ کے اردو کے ماہرین کریں گے۔ فاتح کا اعلان 31 جولائی کو ویب سائٹ پر کیا جائے گا۔ فاتح سے اس کی ای میل کے ذریعے رابطہ کیا جائے گا۔
انعام: فاتح کو انعام دیا جائے گا جب کہ ایک سرٹیفیکیٹ اس کے علاوہ ہو گا۔

مقابلے کی شرائط و ضوابط

ازراہِ کرم ان شرائط و ضوابط کا توجہ سے مطالعہ کیجیے۔ مقابلے میں حصہ لینے والے تمام شرکا کے بارے میں تصور کیا جائے گا کہ انھوں نے یہ شرائط و ضوابط پڑھ لیے ہیں اور ان پر ان کا اطلاق ہو گا۔

  1. مقابلے میں حصہ لینے کی آخری تاریخ 30 جون 2018 ہے۔ جی ایم ٹی کے معیاری وقت کے مطابق اس تاریخ کو رات 23:59 تک تحریریں بھیجی جا سکتی ہیں۔
  2. مقابلے میں 14 تا 16 سال عمر کے تمام افراد حصہ لے سکتے ہیں، ماسوا اوکسفرڈ یونیورسٹی پریس کے ملازمین اور ان کے رشتے دار۔

  3. شرکا کو مقابلے میں حصہ لینے کے لیے مقررہ تاریخ تک مقررہ پتے پر اپنی کہانی بمع مطلوبہ معلومات بذریعہ ای میل بھیجنا ہو گی۔

  4. ایک فرد صرف ایک کہانی بھیج سکتا ہے۔ ای میل کے ذریعے تحریر بھیجنا اس بات کی ضمانت نہیں ہے کہ وہ اوکسفرڈ کو موصول ہو گئی ہے۔ اوکسفرڈ یونیورسٹی پریس گم شدہ، نامکمل یا تاریخ گزر جانے کے بعد موصول ہونے والی تحریروں کا ذمہ دار نہیں ہے۔ اوکسفرڈ ان تحریروں کو مسترد کرنے کا حق محفوظ رکھتا ہے جو ادھوری ہیں یا جو شرائط و ضوابط پر پورا نہیں اترتیں۔

  5. صرف ایک فاتح کو انعام دیا جائے گا۔

  6. ججوں کا فیصلہ حتمی ہو گا اور اس سلسلے میں کسی قسم کی خط و کتابت نہیں کی جائے گی۔
  7. فاتح کو مقابلے کی آخری تاریخ کے اندر اندر ای میل کے ذریعے مطلع کر دیا جائے گا۔
  8. اگر کسی وجہ سے فاتح سے رابطہ ممکن نہ ہو سکا تو اوکسفرڈ دوسرے نمبر پر آنے والے کو انعام دے سکتا ہے۔
  9. انعام ناقابلِ واپسی اور ناقابلِ تبدیلی ہو گا اور اس کے بدلے میں نقدی نہیں دی جا سکے گی۔ اوکسفرڈ متبادل انعام دینے کا حق محفوظ رکھتا ہے۔
  10. اوکسفرڈ شرکا کا ذاتی ڈیٹا حاصل کرے گا اور اسے شرکا سے رابطے کے لیے استعمال کرے گا۔ اوکسفرڈ ان کے ای میل کو مصنوعات یا خدمات کے بارے میں معلومات دینے کے بھی استعمال کر سکتا ہے۔

  11. اگر کسی ناگزیر وجہ سے اوکسفرڈ اس مقابلے کا وقت پر انعقاد نہ کروا سکے تو اسے حق ہو گا کہ وہ بغیر کسی پیشگی نوٹس کے مقابلے کی شرائط تبدیل کر دے۔

  12. اوکسفرڈ کسی فرد کو مقابلے میں حصہ لینے یا نہ لینے، انعام حاصل نہ کر پانے یا کسی اور وجہ سے پہنچنے والے کسی نقصان، چوٹ یا مایوسی کا ذمہ دار نہیں ہو گا۔ اوکسفرڈ کسی تکنیکی خرابی، فون لائن میں مسائل، کمپیوٹر، سافٹ ویئر، انٹرنیٹ اور نیٹ ورک میں خرابی، تکنیکی وجوہات کی بنا پر ای میل میں خلل یا کسی ویب سائٹ میں خرابی کا ذمہ دار نہیں ہو گا۔

پروموٹر:

Oxford University Press, Great Clarendon Street, Oxford, Oxfordshire, OX2 6DP, United Kingdom

پرائیویسی پالیسی

To participate in this competition in other languages, visit:
Hindi
Tamil
Setswana



تبصرے

  • ہمیں بڑا مان تھا کچھ اظہار الفت اردو ہم بھی کریں گے لیکن عمر کی حد سے گزر گیے ہر ماں عظیم ہوتی ہے اس لیے ہمیں اردو سے محبت ہے
  • عباسی صاحب، مجھے افسوس ہے کہ آپ اس مقابلے میں باقاعدہ شرکت نہیں کر پا رہے کیوں کہ یہ صرف طلبہ کے لیے ہے۔ لیکن اگر آپ لکھنا چاہتے ہیں ضرور کہانی لکھ دیجیے۔ مقابلے میں شریک نہ سہی لیکن کم از کم اردو کی محبت کا حق تو ادا ہو جائے گا۔

  • عمر کی حد کی وجہ سے مقابلے میں حصہ نہیں لے سکتی
  • عمر کی حد ہم ماں بیٹی دونوں پر لگ رہی ہے۔ بیٹی سات سال کی ہیں اور والدہ بھی عمر کی انتہائے حد سے کہیں آگے ہیں۔ بہرحال شرکا کے لیے بیسٹ آف لک۔۔۔

  • ۱۷سال کا کوئی حصہ لے سکتا ھے پلیز۰۰۰۰؟
  • عمر رفتہ کا سوال پوچھ لیا آپ نے۔
  • اوکسفرڈ نے یہ مقابلہ ہائی سکول کے طلبہ کے لیے رکھا ہے۔ ان کا ارادہ ہے کہ اس مقابلے کے فوراً بعد عام پبلک کے لیے مقابلہ شروع کیا جائے۔ آپ دوستوں سے گزارش ہے کہ اس وقت تک کاغذ قلم سنبھال کر رکھیے اور اپنے خیالات مجتمع کر لیجیے۔

    اور ہاں، اگر آپ کے آس پاس اس عمر کا کوئی بچہ ہے تو اسے اس مقابلے کے بارے میں مطلع کر دیجیے۔

  • Can we write this story right now because we dont knew the last date
  • Please if you can do something than please give me a chance to take benifit from this opportunity my age is between 14 -16
  • Can we send story by email? Because in instruction there is written that
    آی میل کے ذریعے تحریر اس بات کی ضمانت نیہی ہو گی ک تحریر موصول ہوگیء
سائن ان یا رجسٹر تبصرہ کرنے کے لئے۔